محسن نقوی اور برطانوی وزیر مملکت اسٹیفن ڈوٹی کے درمیان اہم ملاقات

وفاقی وزیر داخلہ محسن نقوی اور برطانیہ کے وزیر مملکت برائے خارجہ امور اسٹیفن ڈوٹی کے درمیان اہم ملاقات ہوئی ہے، جس میں پاکستان، افغانستان اور خطے کی مجموعی سیکیورٹی صورتحال پر تفصیلی گفتگو کی گئی۔ ملاقات کے دوران محسن نقوی نے برطانوی وزیر کو افغانستان میں امن و استحکام کے لیے پاکستان کی مسلسل کوششوں اور سیکیورٹی چیلنجز سے آگاہ کیا۔ انہوں نے اعادہ کیا کہ پاکستان خطے میں پرامن اور مستحکم افغانستان کا داعی ہے اور اس سلسلے میں اپنا مثبت کردار ادا کرتا رہے گا۔ اس موقع پر دونوں رہنماؤں نے افغانستان سمیت علاقائی امن و سلامتی کے معاملات میں پاکستان اور برطانیہ کے درمیان تعاون کو مزید فروغ دینے پر اتفاق کیا۔