ایران نے ابنائے ہرمز سے بغیر قواعد گزرنے والے مزید 11 بحری جہازوں کو بلیک لسٹ کر دیا

ایران نے آبنائے ہرمز سے گزرنے کے مقررہ قواعد و ضوابط کی خلاف ورزی کرنے پر مزید 11 بحری جہازوں کو بلیک لسٹ کر دیا ہے۔ ایرانی حکومت کے تحت قائم کردہ ’پرشین گلف اسٹریٹ اتھارٹی‘ کی ویب سائٹ کے مطابق ان نئے جہازوں کی شمولیت کے بعد بلیک لسٹ کیے گئے بحری جہازوں کی کل تعداد 56 تک پہنچ گئی ہے۔ حکام کے مطابق ان تمام جہازوں کو آبنائے ہرمز سے گزرنے کی کوشش پر بھاری جرمانوں، ضبطی یا حراست جیسی سخت قانونی کارروائیوں کا سامنا کرنا پڑ سکتا ہے۔ واضح رہے کہ ایران نے اس سے قبل 24 اگست کو بھی 45 آئل ٹینکرز کو بلیک لسٹ کرتے ہوئے خبردار کیا تھا کہ طے شدہ بحری قوانین کی خلاف ورزی کرنے والوں کے خلاف بلاامتیاز کارروائی کی جائے گی۔