پرامن جوہری توانائی میں روس، چین کا کلیدی شراکت دار ہے: صدر پوتن

روس کے صدر ولادیمیر پوتن نے کہا ہے کہ پرامن جوہری توانائی کے شعبے میں روس چین کا ایک کلیدی شراکت دار ہے اور دونوں ممالک کے درمیان توانائی و سرمایہ کاری کے شعبوں میں تعاون مسلسل فروغ پا رہا ہے۔ ولادی ووستوک میں ایسٹرن اکنامک فورم کے موقع پر چین کے نائب وزیراعظم ڈنگ شوئی شیانگ سے ملاقات کے دوران صدر پوتن نے بتایا کہ دونوں ممالک کے درمیان اقتصادی و انرجی تعاون کو بڑھانے کے لیے باقاعدہ بین الحکومتی کمیشن فعال ہیں۔ اس دورے کے دوران چینی نائب وزیراعظم آٹھویں روس چین انرجی بزنس فورم میں شرکت کے علاوہ روسی حکام سے الگ ملاقاتیں بھی کریں گے۔ صدر پوتن نے اعتماد ظاہر کیا کہ مشترکہ کوششیں اور معاشی روابط دونوں دوست ممالک کے تعلقات کو مزید استحکام بخشیں گے۔