ایرانی کرنسی کی قدر میں تاریخی گراوٹ، ایک امریکی ڈالر 22 لاکھ ایرانی ریال کا ہو گیا

ایران میں معاشی بحران کے باعث مقامی کرنسی کی قدر میں تاریخی گراوٹ دیکھنے میں آئی ہے، جہاں اوپن مارکیٹ میں ایک امریکی ڈالر 22 لاکھ ایرانی ریال (2 لاکھ 20 ہزار تومان) سے بھی تجاوز کر گیا ہے۔ عراقی خبررساں ایجنسی شفق نیوز اور مارکیٹ کے اعداد و شمار کے مطابق، محض دو روز قبل ڈالر 210,000 تومان پر تھا جو اب بڑھ کر 220,300 تومان تک جا پہنچا ہے، جبکہ یورو 255,000 تومان اور برطانوی پاؤنڈ 297,000 تومان کے قریب فروخت ہو رہا ہے۔ کرنسی میں شدید اتار چڑھاؤ کے پیش نظر ایران کے مرکزی بینک کے گورنر عبدالناصر ہمتی نے بیان دیا ہے کہ ملک کے پاس غیر ملکی زرمبادلہ کے خاطر خواہ ذخائر موجود ہیں اور مارکیٹ کو مستحکم کرنے کے لیے 2 ارب ڈالر تک فراہم کیے جائیں گے۔