ٹرمپ کا شہزادہ ہیری اور میگھن کی برطانیہ واپسی پر اظہار مسرت

امریکی صدر ڈونلڈ ٹرمپ نے شہزادہ ہیری اور ان کی اہلیہ میگھن مارکل کی برطانیہ واپسی کے حوالے سے اپنے بیان میں کہا ہے کہ وہ اس جوڑے کے ہرگز مداح نہیں ہیں اور اگر وہ شاہی خاندان کی جگہ ہوتے تو انہیں کبھی واپس نہ لاتے، تاہم وہ ان کی واپسی پر خوش ہیں۔ واشنگٹن میں میڈیا سے گفتگو کرتے ہوئے ڈونلڈ ٹرمپ نے ملکہ الزبتھ اور شاہ چارلس کے ساتھ اپنے بہترین تعلقات کا ذکر کیا اور سسیکس جوڑے پر شدید تنقید کرتے ہوئے کہا کہ میگھن اور ہیری نے شاہی خاندان کے ساتھ انتہائی بے ادبی کا رویہ اختیار کیا۔ انہوں نے مزید کہا کہ انہیں بالخصوص میگھن مارکل کا رویہ بالکل پسند نہیں آیا کیونکہ انہوں نے ملکہ اور شاہ چارلس کے احترام کو نقصان پہنچایا ہے۔