ایران کے جوابی حملے: بحرین، اردن، یو اے ای، کویت میں امریکی اڈوں، ریڈار نظام کو نشانہ بنایا

ایران کے پاسدارانِ انقلاب (IRGC) نے خلیجی ممالک بحرین، اردن، متحدہ عرب امارات اور کویت میں قائم امریکی فوجی اڈوں پر ڈرونز اور میزائلوں سے جوابی حملے کیے ہیں۔ پاسدارانِ انقلاب کا دعویٰ ہے کہ امارات کے الظفرہ اور المنہاد اڈوں پر ڈرون حملوں کے ذریعے ریڈار سسٹمز اور امریکی فوجیوں کی تعیناتی کے مقامات کو نشانہ بنایا گیا، جبکہ بحرین کے شیخ عیسیٰ اڈے پر بھی ریڈار تنصیبات کو تباہ کیا گیا۔ مزید برآں، کویت میں واقع علی السالم امریکی ایئر بیس کے کمانڈ سینٹر اور ڈرون ہینگر پر میزائل داغے گئے