امارات کے دفائی وارننگ سسٹم میں فنی خرابی، شہریوں کو غلط الرٹس موصول

متحدہ عرب امارات (یو اے ای) کے ابتدائی دفاعی وارننگ سسٹم میں اچانک تکنیکی خرابی پیدا ہونے کے باعث شہریوں کو غلط الرٹس اور وارننگ پیغامات موصول ہوئے ہیں، تاہم حکام نے فوری کارروائی کرتے ہوئے خرابی کو دور کرنے کی تصدیق کر دی ہے۔

بین الاقوامی خبر رساں ایجنسی کے مطابق اماراتی حکام کا کہنا ہے کہ سسٹم میں پیدا ہونے والی یہ خرابی خالصتاً فنی نوعیت کی تھی، جس کی وجہ سے شہریوں کے موبائل فونز پر غلط الرٹس ارسال ہو گئے۔ حکام نے اس حوالے سے مزید وضاحت کرتے ہوئے بتایا کہ جیسے ہی فنی خرابی کی نشاندہی ہوئی، متعلقہ ٹیموں نے فوری اقدام اٹھا کر اسے دور کر دیا اور اب یہ ابتدائی دفاعی وارننگ سسٹم مکمل طور پر بحال ہو کر معمول کے مطابق کام کر رہا ہے۔اماراتی حکام نے عوام اور رہائشیوں سے اپیل کی ہے کہ وہ ان غلط وارننگ پیغامات پر بالکل بھی تشویش کا شکار نہ ہوں اور کسی بھی قسم کی افواہوں پر کان دھرنے کے بجائے صرف سرکاری ذرائع سے جاری ہونے والی معتبر معلومات اور ہدایات پر ہی اعتماد کریں۔