LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس اڈیالہ جیل میں عمران خان اور بشریٰ بی بی کا طبی معائنہ مکمل، میڈیکل ٹیم واپس روانہ سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور دھی رانی پروگرام: خانیوال میں 182 جوڑوں کی اجتماعی شادیاں روس، چین اور امریکا کا سہ فریقی اجلاس سفارت کاری کی تاریخ کا نیا باب ہے، پیوٹن کراچی کیلئے مزید 500 بسوں کی منظوری، ریلیوں کی اجازت نہیں دینگے: شرجیل میمن بھارتی پروازوں کیلئے پاکستانی فضائی حدود کی بندش میں توسیع، نوٹم جاری ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی روہنگیا میں مسلمانوں کو قتل عام اور جنسی تشدد کا نشانہ بنایا گیا،عالمی عدالت انصاف سٹاک مارکیٹ میں تیزی، کاروبار کا مثبت رجحان رہا جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی عالمی و مقامی سطح پر سونے چاندی کی قیمتوں میں کمی

جمعیت علمائے اسلام کا 22 مئی کو ملک گیر احتجاج کا اعلان

Web Desk

14 May 2026

جمعیت علمائے اسلام کے سربراہ مولانا فضل الرحمان نے 22 مئی کو ملک گیر احتجاجی مظاہروں کا اعلان کرتے ہوئے کہا ہے کہ ملک بھر کے تمام ضلعی ہیڈکوارٹرز میں مہنگائی کے خلاف احتجاج کیا جائے گا جبکہ 4 جون کو بلوچستان میں بڑا جلسہ منعقد کیا جائے گا۔

مولانا فضل الرحمان نے خطاب کرتے ہوئے کہا کہ جمعیت علمائے اسلام ایک مؤثر سیاسی و دینی قوت ہے اور اسی جماعت کی برکت سے پاکستان محفوظ ہے۔ انہوں نے کہا کہ جمعیت کے علماء، کارکنان اور عہدیداران نے خون کی قربانیاں دی ہیں اور مختلف علاقوں میں انہیں مسلسل نشانہ بنایا جا رہا ہے۔

انہوں نے کہا کہ باجوڑ کے ایک جنازے میں اسی لاشیں اٹھائیں جبکہ کرم، وزیرستان اور مہمند میں بھی علماء کو ٹارگٹ کیا گیا۔ ان کا کہنا تھا کہ جمعیت علمائے اسلام کا قصور صرف یہ ہے کہ وہ ملک کو تقسیم ہونے سے بچا رہی ہے۔

مولانا فضل الرحمان نے کہا کہ جمعیت جمہوری نظام پر یقین رکھتی ہے اور ہمیشہ انتخابات کے ذریعے سیاست کی، لیکن دھاندلی کے ذریعے انہیں پارلیمنٹ سے باہر رکھنے کی کوشش کی جاتی ہے۔ انہوں نے کہا کہ ایک طرف بعض قوتیں ان پر کفر کے فتوے لگاتی ہیں جبکہ دوسری جانب انہیں سیاسی عمل سے دور کیا جاتا ہے۔

ان کا کہنا تھا کہ جمعیت علمائے اسلام نفرت اور تعصب کی سیاست پر یقین نہیں رکھتی بلکہ محبت، شائستگی اور اصولوں کی سیاست کر رہی ہے۔ انہوں نے کہا کہ اختلاف رائے مہذب انداز میں ہونا چاہیے اور آئین شکنی ملک کی تباہی کا سبب بن سکتی ہے۔

مولانا فضل الرحمان نے دفاعی اداروں کے احترام کا اعادہ کرتے ہوئے کہا کہ جمعیت علمائے اسلام اپنے شفاف عقیدے اور اصولی سیاست پر قائم ہے۔ انہوں نے اسٹیبلشمنٹ، بیوروکریسی اور سیاست دانوں کو مخاطب کرتے ہوئے کہا کہ جمعیت کو سیاست نہ سکھائی جائے بلکہ سیاست جمعیت سے سیکھی جائے۔