کیف کے قریب روسی ڈرون حملہ، گولہ بارود ڈپو میں دھماکہ، 37 افراد ہلاک

یوکرین کے دارالحکومت کیف کے قریب روسی ڈرون حملے کے نتیجے میں گولہ بارود کے ڈپو میں شدید دھماکہ ہوا، جس کے باعث 37 افراد ہلاک ہو گئے۔ یوکرینی صدر ولودیمیر زیلنسکی کے مطابق دھماکے کی شدت سے قریبی رہائشی عمارتوں کو شدید نقصان پہنچا جبکہ بزرگوں اور معذور افراد کا مرکز بھی متاثر ہوا۔ انہوں نے بتایا کہ کیف اور اس کے گردونواح میں مسلسل تیسرے روز بھی روسی فضائی حملے جاری رہے، جو رواں سال کیف کے علاقے میں ہونے والا سب سے مہلک ترین حملہ ہے۔ یوکرینی حکام کے مطابق متاثرہ علاقوں میں امدادی ٹیموں کی کارروائیاں جاری ہیں، جبکہ روس کی جانب سے ان حملوں پر فوری طور پر کوئی باضابطہ بیان سامنے نہیں آیا ہے۔