بانی پی ٹی آئی کی بہن بتا چکی عمران خان بالکل فٹ ہیں، وزیر دفاع

وفاقی وزیر دفاع خواجہ محمد آصف نے سوشل میڈیا پر جاری اپنے ایک بیان میں کہا ہے کہ بانی پی ٹی آئی کی بہن نے پریس کانفرنس میں خود اعتراف کیا تھا کہ عمران خان بالکل فٹ ہیں، اور ان کی بہن و ذاتی ڈاکٹر کا یہ اطمینان بخش بیان اس معاملے پر قطعی اور فیصلہ کن ہے۔ انہوں نے الزام عائد کیا کہ بیرون ملک بیٹھے پی ٹی آئی حامیوں کو یہ حقیقت پسند نہیں آئی کیونکہ وہ خوف، بے چینی اور مصنوعی بحران پیدا کر کے حکومت کی تبدیلی اور بانی کی واپسی کی راہ ہموار کرنا چاہتے تھے۔ خواجہ آصف کا کہنا تھا کہ پی ٹی آئی کی تمام امیدوں پر پانی پھر چکا ہے اور اب غیر ملکی میڈیا کے ذریعے صورتحال کو سنبھالنے کی کوشش کی جا رہی ہے، جبکہ بانی پی ٹی آئی کی صحت کی خرابی سے متعلق مسلسل من گھڑت دعوے کیے جا رہے ہیں۔