جماعت اسلامی کے دھرنوں کے 2 ہفتے مکمل، آج راولپنڈی میں تاریخی جلسے کا اعلان

مہنگی پٹرولیم مصنوعات اور بجلی کے بھاری بلوں کے خلاف جماعت اسلامی کے دھرنوں کو 2 ہفتے مکمل ہو گئے ہیں، جس کے بعد امیر جماعت اسلامی حافظ نعیم الرحمان نے آج راولپنڈی میں تاریخی جلسہ کرنے کا اعلان کر دیا ہے۔ دھرنے کے شرکاء سے خطاب کرتے ہوئے انہوں نے خبردار کیا کہ اگر جلسے کی اجازت نہ ملی تو راولپنڈی کی تمام سڑکیں بند کر دی جائیں گی اور ملک بھر کے وزیراعلیٰ و گورنر ہاؤسز کی طرف مارچ کیا جائے گا۔ انہوں نے 3 ستمبر کی ملک گیر ہڑتال کا حوالہ دیتے ہوئے حکمرانوں کو ہوش کے ناخن لینے کا مشورہ دیا اور کہا کہ مفت پٹرول اور پٹرولیم لیوی عوام کے جیبوں پر ڈاکہ ہے۔ حافظ نعیم الرحمان نے حکومت سے سوال کیا کہ جب ملک میں بجلی وافر مقدار میں موجود ہے تو پھر بلاجواز لوڈشیڈنگ کیوں کی جا رہی ہے۔