امریکا میڈیا کے ذریعے توانائی مارکیٹ میں ہیرا پھیری کر رہا ہے، عباس عراقچی

ایرانی وزیر خارجہ عباس عراقچی نے الزام عائد کیا ہے کہ امریکا ذرائع ابلاغ کے ذریعے توانائی کی عالمی مارکیٹ میں ہیرا پھیری کر رہا ہے اور جنگ کو طول دینے کے لیے منڈی پر اثر انداز ہونے کی کوشش کر رہا ہے۔ اپنے بیان میں انہوں نے کہا کہ اسرائیل سے منسلک عناصر صورتحال کے جھوٹے اور امید افزا جائزے پیش کر رہے ہیں، جبکہ جنگ کے معاشی نتائج اور توانائی کی بڑھتی قیمتوں کا اصل بوجھ امریکی صارفین کو برداشت کرنا پڑ رہا ہے۔ عباس عراقچی نے امریکی پالیسی اور میڈیا بیانیے پر تنقید کرتے ہوئے زور دیا کہ حقائق کو سامنے لانا ضروری ہے، کیونکہ عالمی منڈی میں پیدا کی جانے والی بے یقینی کے براہِ راست اثرات عام صارفین پر مرتب ہو رہے ہیں۔