نوجوانوں میں دل کا دورہ پڑنے کے کیسز میں اضافے کی وجوہات جانیے

حالیہ طبی تحقیقات نے نوجوانوں میں دل کے امراض اور ہارٹ اٹیک کے بڑھتے ہوئے کیسز کی ایک بڑی وجہ بے سکون طرزِ زندگی اور نیند کی کمی کو قرار دیا ہے۔ فن لینڈ کی اولو یونیورسٹی کی تحقیق کے مطابق، جو لوگ آٹھ گھنٹے سے کم نیند لیتے ہیں یا دیر سے سونے کے عادی ہیں، ان میں دل کے دورے اور فالج کا خطرہ دیگر افراد کے مقابلے میں دگنا ہو جاتا ہے۔ محققین کا کہنا ہے کہ جدید دور میں طرزِ زندگی کی تبدیلی، جیسے اسکرین کا زیادہ استعمال اور غیر صحت بخش خوراک، نوجوانوں کو بلڈ پریشر اور ذیابیطس جیسی بیماریوں کی طرف دھکیل رہی ہے جو کہ بالآخر امراضِ قلب کا سبب بنتی ہیں۔ ماہرینِ قلب نے مشورہ دیا ہے کہ دل کی صحت برقرار رکھنے کے لیے سونے اور جاگنے کی روٹین کو درست کرنا، سونے سے ایک گھنٹہ پہلے موبائل یا ٹی وی اسکرین سے دوری اختیار کرنا اور شام چار بجے کے بعد کیفین (چائے یا کافی) کے استعمال سے بچنا بے حد ضروری ہے۔