ایران جوہری پروگرام جاری نہ رکھنے پر آمادہ ہو گیا: صدر ٹرمپ کا دعویٰ

امریکی صدر ڈونلڈ ٹرمپ نے اوول آفس میں میڈیا سے گفتگو کرتے ہوئے کہا ہے کہ گزشتہ 24 گھنٹوں کے دوران ایران کے ساتھ انتہائی مثبت بات چیت ہوئی ہے اور اب وہ شدت سے معاہدہ (ڈیل) چاہتا ہے۔ صدر ٹرمپ نے واضح کیا کہ ان کی شرط بالکل سادہ ہے کہ ایران کے پاس جوہری ہتھیار نہیں ہونے چاہئیں۔ انہوں نے دعویٰ کیا کہ ایران کی عسکری قوت اور قیادت کو پہنچنے والے نقصان کے بعد اب وہ مذاکرات کی میز پر آنے کے لیے تیار ہے۔ دوسری جانب، ایرانی وزارتِ خارجہ نے تصدیق کی ہے کہ وہ امریکی تجاویز کا جائزہ لے رہے ہیں اور اس حوالے سے حتمی رائے قائم ہوتے ہی پاکستان کو آگاہ کر دیا جائے گا۔