وزن کم کرنیوالی ادویات ذہنی مسائل کے خطرات میں نمایاں کمی لاسکتی ہے:تحقیق

یونیورسٹی آف ایسٹرن فن لینڈ، کیرولنسکا انسٹیٹیوٹ اور گریفتھ یونیورسٹی کے ماہرین نے سویڈن کے ایک لاکھ افراد کے 13 سالہ ہیلتھ ریکارڈز کا تجزیہ کیا۔ تحقیق سے یہ حیران کن انکشاف ہوا کہ سیمیگلوٹائڈ (Ozempic اور Wegovy کا جز) استعمال کرنے والے افراد میں نفسیاتی ہسپتالوں میں داخلے کی شرح میں 42 فیصد تک کمی آئی۔ ماہرین کا کہنا ہے کہ یہ ادویات نہ صرف جسمانی بلکہ میٹابولک بیماریوں سے جڑے ذہنی مسائل جیسے ڈپریشن اور بے چینی کو کم کرنے میں بھی کلیدی کردار ادا کرتی ہیں۔