وزیراعظم کا گلگت بلتستان میں ترقیاتی منصوبوں کا افتتاح، دانش سکول قائم کرنے کا اعلان

وزیراعظم شہباز شریف نے اپنے دورہ گلگت بلتستان کے دوران گلگت اور سکردو میں سیف سٹی منصوبوں کا افتتاح کیا اور 100 میگاواٹ کے شمسی توانائی منصوبے کا سنگ بنیاد رکھا، جسے آئندہ سال کے وسط تک مکمل کرنے کی ہدایت کی گئی ہے۔ وزیراعظم نے میرٹ کی بنیاد پر لیپ ٹاپ تقسیم کرنے کی تقریب سے خطاب کرتے ہوئے کہا کہ یہ لیپ ٹاپ طلبہ کی محنت اور تعلیمی قابلیت کا اعتراف ہیں۔ انہوں نے گلگت، غانچے، ستور اور سکردو میں 4 جدید دانش سکول قائم کرنے کا اعلان بھی کیا جہاں غریب اور متوسط طبقے کے بچوں کو مفت اور معیاری تعلیم دی جائے گی۔ اس کے علاوہ وزیراعظم نے ایران اور امریکہ کے درمیان جنگ بندی میں پاکستان کے سیاسی و عسکری کردار کو بھی اجاگر کیا۔