پاکستان،ڈیرہ غازی خان میں نجی سکول کی چھت گرنے سے 4 افراد جاں بحق

ڈیرہ غازی خان میں لٹل سکالر سکول کی چھت اس وقت اچانک گر گئی جب وہاں مرمت کا کام جاری ہونے کے باوجود کلاسز منعقد کی جا رہی تھیں۔ ذرائع کے مطابق حادثے کے وقت کلاس روم میں تقریباً 21 بچے موجود تھے، جن میں سے متعدد ملبے تلے دب گئے۔ واقعے کی اطلاع ملتے ہی ریسکیو 1122، پولیس اور ضلعی انتظامیہ نے موقع پر پہنچ کر امدادی کارروائیاں شروع کر دیں۔ اب تک کی اطلاعات کے مطابق 4 بچوں کی لاشیں نکالی جا چکی ہیں جبکہ 8 افراد کو زندہ نکال کر ہسپتال منتقل کر دیا گیا ہے۔ انتظامیہ نے واقعے کی تحقیقات کا آغاز کر دیا ہے تاکہ غفلت کے ذمہ داروں کا تعین کیا جا سکے۔دوسری جانب وزیر اعلیٰ پنجاب کی جانب سے واقعہ کا نوٹس لیتے ہوئے رپورٹ طلب کر لی ہے