پاکستان سٹاک ایکسچینج میں کاروبار کا مثبت زون میں آغاز

پاکستان سٹاک ایکسچینج میں کاروباری ہفتے کے چوتھے روز کا آغاز مثبت زون میں ہوا، جہاں ٹریڈنگ کے ابتدائی دورانیے میں ہنڈرڈ انڈیکس میں 900 سے زائد پوائنٹس کا اضافہ ریکارڈ کیا گیا۔ اس تیزی کے بعد انڈیکس ایک لاکھ 72 ہزار 639 پوائنٹس کی ریکارڈ سطح پر پہنچ گیا ہے۔ یاد رہے کہ گزشتہ کاروباری روز بھی مارکیٹ میں غیر معمولی تیزی دیکھی گئی تھی اور انڈیکس 6 ہزار 962 پوائنٹس کے بڑے اضافے کے ساتھ ایک لاکھ 71 ہزار 704 پر بند ہوا تھا۔