ڈاکٹر فضیلہ عباسی کی عبوری ضمانت میں توسیع، گرفتاری سے روک دیا گیا

سپیشل عدالت سینٹرل نے معروف ڈرمیٹالوجسٹ اور ٹک ٹاکر ڈاکٹر فضیلہ عباسی کے خلاف درج منی لانڈرنگ اور غیر قانونی کلینک چلانے کے مقدمات میں اہم ریلیف دیتے ہوئے ان کی عبوری ضمانتوں میں 5 مئی تک توسیع کر دی ہے۔

کیس کی سماعت سپیشل جج سینٹرل ہمایوں دلاور نے کی، تاہم کچھ وجوہات کی بنا پر آج ضمانت کی درخواستوں پر باقاعدہ دلائل پیش نہیں کیے جا سکے۔ عدالت نے ڈاکٹر فضیلہ عباسی کی گرفتاری سے روکنے کے حکم میں توسیع کرتے ہوئے فریقین کو ہدایت کی ہے کہ آئندہ سماعت پر تمام متفرق اور مرکزی درخواستوں پر حتمی دلائل دیے جائیں۔