اسحاق ڈار کی آر فور ممالک کے وزرائے خارجہ سے ملاقات، علاقائی امن پر زور

نائب وزیراعظم و وزیر خارجہ سینیٹر محمد اسحاق ڈار نے ترکیہ کے شہر استنبول میں پاکستان، ترکیہ، سعودی عرب اور مصر (آر فور) سمیت فرانس، جرمنی، اٹلی اور برطانیہ کے وزرائے خارجہ کے مشترکہ اجلاس میں شرکت کی۔ ترجمان دفترِ خارجہ کے مطابق آٹھ ممالک کے وزرائے خارجہ کے اس اہم اجلاس میں خلیجی خطے کی موجودہ صورتحال اور اس کے سماجی و معاشی اثرات پر تفصیلی تبادلہ خیال کیا گیا۔ اس موقع پر اسحاق ڈار نے اپنے ہم منصبوں کو خطے میں کشیدگی کے خاتمے اور ثالثی کے لیے جاری پاکستانی سفارتی کوششوں سے آگاہ کیا۔ تمام شرکاء نے خطے میں امن، سلامتی اور استحکام کو درپیش چیلنجز سے نمٹنے کے لیے سفارتی روابط کو مزید فعال بنانے اور باہمی مشاورت کا سلسلہ جاری رکھنے پر مکمل اتفاق کیا۔