اسحاق ڈار کی مصری وزیر خارجہ سے ملاقات، تجارتی، دفاعی تعاون بڑھانے پر اتفاق

نائب وزیراعظم و وزیر خارجہ سینیٹر محمد اسحاق ڈار نے آر فور (R4) وزارتی اجلاس کے موقع پر مصر کے وزیر خارجہ ڈاکٹر بدر عبدالعاطی سے ملاقات کی، جس میں پاکستان اور مصر کے دیرینہ اور برادرانہ تعلقات کی توثیق کی گئی۔ ملاقات کے دوران دونوں رہنماؤں نے تجارتی، کاروباری، زرعی، ادویہ سازی اور رابطہ کاری کے شعبوں میں باہمی تعاون کو فروغ دینے کے علاوہ قابلِ تجدید توانائی اور دفاعی شعبوں میں شراکت داری تیز کرنے پر اتفاق کیا۔ دونوں وزرائے خارجہ نے مشرقِ وسطیٰ بالخصوص فلسطین کی تازہ ترین صورتحال سمیت عالمی و علاقائی پیش رفت پر تبادلہ خیال کرتے ہوئے چیلنجز سے نمٹنے کے لیے مسلسل سفارت کاری اور آر فور فریم ورک کے تحت قریبی رابطہ کاری جاری رکھنے کے عزم کا اعادہ کیا۔