حنا آفریدی فیملی ممبر جیسی، رومانوی سین کرتے وقت ہنس پڑتے تھے: علی رضا

پاکستانی ڈرامہ انڈسٹری کے ابھرتے ہوئے اداکار علی رضا اور اداکارہ حنا آفریدی نے اپنے حالیہ انٹرویو میں پیشہ ورانہ زندگی اور باہمی دوستی کے حوالے سے دلچسپ گفتگو کی ہے۔ ایک نجی ٹی وی ڈرامے کے رومانوی مناظر کے بارے میں پوچھے گئے سوال پر علی رضا نے انکشاف کیا کہ حنا آفریدی ان کے لیے ایک فیملی ممبر کی طرح ہیں، اسی لیے جب بھی انہیں اسکرین پر رومانوی سین عکس بند کروانا پڑتا تھا تو دونوں کی ہنسی چھوٹ جاتی تھی۔ اداکار کا کہنا تھا کہ ایک دوسرے کے ساتھ “کمفرٹ زون” ہونے کی وجہ سے ان کے لیے کام کرنا انتہائی آسان اور خوشگوار رہا۔

علی رضا نے مزید کہا کہ اچھی دوستی کی بدولت انہوں نے اسکرین پر ایسی پرفارمنس دی جس کی توقع کسی کو نہ تھی، کیونکہ وہ کام کو بوجھ سمجھنے کے بجائے اسے دوستانہ ماحول میں مکمل کرتے تھے۔ اسی حوالے سے گفتگو کرتے ہوئے اداکارہ حنا آفریدی نے بتایا کہ وہ اکثر پیچیدہ مناظر کی شوٹنگ کے دوران علی رضا سے مشورہ لیتی تھیں اور پھر دونوں مل کر ڈائریکٹر کے ساتھ سین کی تفصیلات طے کرتے تھے۔ دونوں اداکاروں کے اس اعتراف نے مداحوں کو ان کی آف اسکرین بانڈنگ اور پیشہ ورانہ ہم آہنگی سے متعلق نئی معلومات فراہم کی ہیں۔