فضا علی کی شوہر کے کپڑوں میں تصاویر، سوشل میڈیا پر بحث چھڑ گئی

کراچی: اداکارہ فضا علی نے حال ہی میں اپنے انسٹاگرام اکاؤنٹ پر ایک منفرد پوسٹ شیئر کی ہے جس میں وہ اپنے شوہر اعجاز خان کا سیاہ رنگ کا سوٹ پہنے نظر آ رہی ہیں۔ ان تصاویر کے ساتھ فضا نے ایک جذباتی کیپشن بھی تحریر کیا جس میں ان کا کہنا تھا کہ “آج صرف ایک شو نہیں تھا، میری زندگی کا ایک احساس تھا، میں نے ان کا سوٹ پہنا تاکہ ان کی محبت اور ساتھ کو محسوس کر سکوں۔”

اداکارہ نے مزید لکھا کہ انہوں نے زندگی کو دوبارہ چنا ہے اور محبت کو ایک بار پھر اپنایا ہے۔ یاد رہے کہ فضا علی نے حال ہی میں ایک نجی تقریب میں اعجاز خان سے دوسری شادی کی ہے۔ ان تصاویر کے وائرل ہوتے ہی سوشل میڈیا صارفین کی جانب سے ملا جلا ردِعمل سامنے آیا۔ جہاں مداحوں کی بڑی تعداد نے اسے ایک خوبصورت اور محبت بھرا انداز قرار دیا، وہیں کچھ صارفین نے اسے ‘حیران کن’ اور ‘انوکھا’ فیشن قرار دیتے ہوئے مزاحیہ تبصرے بھی کیے۔

واضح رہے کہ فضا علی کی پہلی شادی 2007 میں فواد فاروق سے ہوئی تھی جن سے ان کی ایک بیٹی فرال ہے۔ اب اپنی نئی زندگی کے آغاز پر فضا علی کافی پرامید اور خوش نظر آتی ہیں، جس کا اظہار وہ اکثر اپنی سوشل میڈیا پوسٹس کے ذریعے کرتی رہتی ہیں۔