ٹام کروز اعزازی آسکر ملنے پر جذباتی ہوگئے

ہالی ووڈ کے معروف اداکار ٹام کروز گورنرز ایوارڈز میں اعزازی آسکر ملنے پر جذباتی ہوگئے۔

63 سالہ ٹام کروز نے کیلیفورنیا میں منعقدہ اس شاندار تقریب کے دوران اسٹیج پر آ کر اپنے خیالات کا اظہار کیا۔

انہوں نے اپنے دل کی بات کرتے ہوئے کہا کہ سنیما مجھے دنیا کے مختلف حصے دکھاتا ہے، یہ مجھے اختلافات کی قدر اور احترام کرنا سکھاتا ہے۔

انہوں نے مزید کہا کہ یہ ہمیں ہماری انسانیت بھی دکھاتا ہے، ہمیں یہ سمجھنے میں مدد دیتا ہے کہ ہم کتنے ایک جیسے ہیں، چاہے ہم دنیا کے کسی بھی حصے سے آئیں۔ تھیٹر میں ہم ایک ساتھ ہنسیں، ایک جیسا محسوس کریں یہی اس فن کی طاقت ہےٹام کروز نے کہا کہ اسی لیے یہ میرے لیے اہم ہے، فلمیں بنانا صرف میرا کام نہیں، یہ میری پہچان ہے۔

سینما سے اپنی محبت کا اظہار کرتے ہوئے انہوں نے کہا کہ بچپن سے ہی میں فلموں کا دیوانا تھا اور جب روشنی کی کرن پھیلی تو اس وقت ایسا لگا کہ دنیا اتنی بڑی ہے جتنی میں نے کبھی نہیں دیکھی تھی، اس تجربے نے میرے لیے ایڈونچر کی بھوک، علم حاصل کرنے کی خواہش اور انسانیت کو سمجھنے کا جذبہ پیدا کیا اور یہ مجھے کردار تخلیق کرنے، کہانی سنانے اور دنیا کو دیکھنے کی ترغیب دیتا رہا اور اسی جذبے کے ساتھ میں آج تک آگے بڑھ رہا ہوں۔