سینٹ کام کی آبنائے ہرمز میں آئل ٹینکر کے بارودی سرنگوں سے ٹکرائے جانے کی تردید

امریکی سینٹرل کمانڈ (CENTCOM) نے ایرانی پاسدارانِ انقلاب (IRGC) کے ان دعوؤں کی باضابطہ تردید کر دی ہے کہ آبنائے ہرمز میں دو آئل ٹینکر ایرانی بحری بارودی سرنگوں (Mines) سے ٹکرا کر تباہ ہوئے ہیں۔

عرب ٹی وی کو دیے گئے ایک بیان میں سینٹ کام کے ترجمان نے واضح کیا کہ ایران کی جانب سے عالمی آبی گزرگاہ میں بارودی سرنگوں کے دھماکوں کی خبریں حقیقت کے برعکس ہیں، کیونکہ امریکی و اتحادی فورسز نے آبنائے ہرمز کے بین الاقوامی سمندری راستوں کو بارودی سرنگوں سے مکمل طور پر پاک کر دیا ہے۔ ترجمان کا مزید کہنا تھا کہ ایران اپنی جاری جارحیت میں زیادہ تر ڈرونز اور میزائلز کا استعمال کرتا ہے۔

سینٹ کام کے ترجمان نے مزید بتایا کہ تمام تر ایرانی دعوؤں اور تناؤ کے باوجود آبنائے ہرمز عالمی بحری تجارت کے لیے کھلی ہے اور خطے سے گزرنے والے تقریباً 95 فیصد تجارتی و بحری جہاز اپنے مقررہ راستوں سے کامران اور محفوظ طریقے سے گزر رہے ہیں۔