شیطان مرگیا’، تنوشری کے تبصرے پر نانا پاٹیکر کے بیٹے کا ردعمل سامنے آگیا
Web Desk
18 October 2026
بالی وڈ کے معروف آنجہانی اداکار نانا پاٹیکر کے بیٹے ملہار پاٹیکر کا اداکارہ تنوشری دتہ کی جانب سے ان کے والد کے انتقال پر کیے گئے تضحیک آمیز تبصرے پر سخت ردعمل سامنے آ گیا ہے۔
اداکارہ تنوشری دتہ نے نانا پاٹیکر کی موت کے بعد اپنے انسٹاگرام اکاؤنٹ پر ایک اسٹوری شیئر کی تھی جس میں انتہائی نامناسب الفاظ استعمال کرتے ہوئے لکھا تھا کہ ‘شیطان مر گیا’۔ اداکارہ کی یہ اسٹوری سوشل میڈیا پر جنگل کی آگ کی طرح پھیل گئی، جس پر نانا پاٹیکر کے مداحوں کی طرف سے بھی شدید برہمی کا اظہار کیا گیا۔
اس تمام تنازع پر والد کے بیٹے ملہار پاٹیکر نے خاموشی توڑتے ہوئے بغیر نام لیے تنوشری دتہ کو سخت جواب دیا ہے۔ ملہار پاٹیکر کا کہنا تھا کہ جس پرانے معاملے کو لوگ اب بلاوجہ دوبارہ اچھال رہے ہیں، وہ عدالت کی طرف سے بہت پہلے ختم کیا جا چکا ہے۔ انہوں نے کہا کہ عدالت اس پورے معاملے پر اپنا فیصلہ سنا چکی ہے اور کیس قانونی طور پر بند ہو چکا ہے، اس کے باوجود کچھ لوگ اس پر بے بنیاد باتیں کر رہے ہیں۔
ملہار پاٹیکر نے تحمل کا مظاہرہ کرتے ہوئے مزید کہا، “میں ایسے لوگوں سے کچھ نہیں کہوں گا، جو سچ ہے وہ ہمیشہ سچ ہی رہے گا، خدا ان کا بھلا کرے، مجھے ان سے بس یہی کہنا ہے۔” یاد رہے کہ تنوشری دتہ نے کئی سال قبل فلم ‘ہارن اوکے پلیز’ کی شوٹنگ کے دوران نانا پاٹیکر پر جنسی ہراسانی کے الزامات عائد کیے تھے جنہیں اداکار نے ہمیشہ مسترد کیا تھا۔
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026