دبئی کے اسکول کا جدید تجربہ؛ طلبہ کی عملی تربیت کے لیے “جونیئر بیکیپرز” پروگرام کا آغاز

دبئی کے ایک نجی اسکول نے روایتی تعلیم سے ہٹ کر ایک انقلابی قدم اٹھاتے ہوئے “جونیئر بیکیپرز” پروگرام شروع کیا ہے۔ اس منصوبے کے تحت اسکول کی حدود میں شہد کی مکھیوں کا چھتہ نصب کیا گیا ہے تاکہ طلبہ کو حیاتیاتی تنوع اور قدرتی نظامِ زندگی کے بارے میں عملی تجربہ فراہم کیا جا سکے۔ ماہرین کی نگرانی میں طلبہ مخصوص حفاظتی لباس پہن کر مکھیوں کی دیکھ بھال اور شہد کی تیاری کے عمل کا مشاہدہ کرتے ہیں۔ اسکول انتظامیہ کا ماننا ہے کہ اس طرح کے اقدامات سے بچوں میں سائنسی مشاہدہ اور ماحولیاتی تحفظ کی ذمہ داری کا احساس پیدا ہوگا۔