پاکستان ٹیم ٹی ٹوئنٹی ورلڈ کپ 2026 کا آغاز ہفتے سے، سلمان علی آغا قیادت کریں گے

کولمبو: پاکستان کرکٹ ٹیم اپنی ٹی ٹوئنٹی ورلڈ کپ 2026 کی مہم کا آغاز ہفتے سے کرے گی۔ پہلا میچ پاکستان اور نیدرلینڈز کے درمیان کولمبو کے سنہالی سپورٹس کلب میں پاکستانی وقت کے مطابق صبح 10:30 بجے شروع ہوگا۔

اس بار ٹیم کی قیادت پہلی بار سلمان علی آغا کریں گے، جنہوں نے اب تک پاکستان کی 43 ٹی ٹوئنٹی میچز میں کپتانی کی ہے اور ان میچز میں سے 27 میں کامیابی حاصل کی ہے۔ ایشیا کپ 2025 کے بعد پاکستان نے 13 ٹی ٹوئنٹی میچز میں 10 فتوحات حاصل کی ہیں اور حال ہی میں آسٹریلیا کے خلاف تین میچز کی ٹی ٹوئنٹی سیریز میں کلین سوئپ کیا۔

پاکستانی ٹیم نے کولمبو میں دو بھرپور ٹریننگ سیشنز میں حصہ لیا اور کپتان سلمان علی آغا کا کہنا ہے کہ: “ہم ہر میچ میں بہترین کھیل پیش کر کے ٹرافی جیتنا چاہتے ہیں”۔

پاکستان نے اب تک ٹی ٹوئنٹی ورلڈ کپ میں 51 میچز کھیل کر 30 جیت چکے ہیں اور 2009 میں یہ ٹورنامنٹ بھی جیت چکا ہے۔

ٹی ٹوئنٹی ورلڈ کپ 2026 کا فائنل 8 مارچ کو کھیلا جائے گا۔