رواں مالی سال ترسیلاتِ زر 44 ارب ڈالر تک پہنچنے کی توقع ہے: وزیر خزانہ

وفاقی وزیرِ خزانہ محمد اورنگزیب نے واضح کیا ہے کہ پاکستان کی معاشی سمت میں ایک بنیادی اور اہم تبدیلی آ چکی ہے، جس کے تحت ملک اب “امداد کی بجائے تجارت اور سرمایہ کاری” (Aid to Trade and Investment) کا ماڈل اپنا رہا ہے۔ حکومت عالمی شراکت داروں کے ساتھ اقتصادی تعلقات کو مضبوط بنانے اور دوطرفہ تجارتی روابط کے فروغ پر توجہ مرکوز کر رہی ہے۔

نیوز ایشیا چینل کو دیے گئے انٹرویو میں وزیرِ خزانہ نے کہا کہ پاکستان چین، امریکہ، خلیجی ممالک اور دیگر دیرینہ اتحادیوں کے ساتھ تعلقات کو مزید گہرا کرنا چاہتا ہے۔ انہوں نے وضاحت کی کہ پاکستان کے لیے چین اور امریکہ کے ساتھ روابط ایک دوسرے کے متبادل نہیں بلکہ دونوں کے ساتھ بیک وقت متوازن اقتصادی تعلقات آگے بڑھائے جا رہے ہیں۔ وزیرِ خزانہ نے بتایا کہ چین پاکستان کا اہم ترین اسٹریٹجک اور اقتصادی partner ہے اور سی پیک (CPEC) کے دوسرے مرحلے میں موجودہ انفراسٹرکچر کے ذریعے معاشی فوائد، کاروباری مواقع، مشترکہ سرمایہ کاری اور برآمدات بڑھانے پر کام جاری ہے۔

انہوں نے مزید کہا کہ امریکہ پاکستان کا سب سے بڑا جبکہ یورپی یونین دوسرا بڑا تجارتی partner ہے۔ گزشتہ مالی سال پاکستان کو 41 ارب 60 کروڑ ڈالر کی ریکارڈ ترسیلاتِ زر (Remittances) موصول ہوئی تھیں، جبکہ رواں مالی سال ان کا حجم 44 ارب ڈالر تک پہنچنے کی توقع ہے۔ حکومت وسطی ایشیائی ریاستوں، خلیجی ممالک اور آسیان (ASEAN) بلاک سمیت تمام خطوں کے ساتھ تجارت، سرمایہ کاری اور دوطرفہ تعاون کو وسعت دینے کے لیے پرعزم ہے۔