میر رضا علی کیس: عدالتی کمیشن کی 4 والیوم پر مشتمل رپورٹ سندھ حکومت کے حوالے

کلاؤڈ کچن کمپنی کے کمسن تاجر میر رضا علی کے قتل کے کیس میں قائم کردہ عدالتی کمیشن کی جامع تحقیقاتی رپورٹ سندھ حکومت کو پیش کر دی گئی ہے۔ رپورٹ اور اس کے ساتھ منسلک کورنگ لیٹر وزیرِ اعلیٰ سندھ سید مراد علی شاہ کے نام ارسال کیا گیا ہے۔

محکمہ داخلہ کے ایڈیشنل سیکریٹری جاوید ابڑو نے عدالتی کمیشن کی جانب سے رپورٹ باقاعدہ وصول کی۔ ذرائع کے مطابق یہ تحقیقاتی رپورٹ کل چار والیومز (Volumes) پر مشتمل ہے، جس میں 5 لفافے کیس سے متعلق ریکارڈ پر لیے گئے اہم بیانات پر مشتمل ہیں، جبکہ دیگر 2 الگ لفافے بھی رپورٹ کا حصہ بنائے گئے ہیں۔ کمیشن کی جانب سے 15 سے زائد سماعتوں کے دوران 49 افراد کے بیانات ریکارڈ کیے گئے۔

رپورٹ موصول ہونے کے بعد اب سندھ حکومت تحقیقاتی رپورٹ کی سفارشات کا جائز لے گی اور اسے پبلک کرنے یا اس کی روشنی میں اگلی قانونی کارروائی اور جوائنٹ انویسٹی گیشن ٹیم (JIT) کی تشکیل سے متعلق حتمی فیصلہ کرے گی