پارلیمنٹ کا مشترکہ اجلاس نے کے پی میں گورنر راج اور ایمرجنسی کی توثیق کردی

پارلیمنٹ کے مشترکہ اجلاس نے خیبر پختونخوا میں ایمرجنسی اور گورنر راج کے نفاذ سے متعلق صدارتی فرمان (Presidential Proclamation) کی کثرتِ رائے سے منظوری دے دی ہے۔

اسپیکر قومی اسمبلی کی زیرِ صدارت ہونے والے پارلیمنٹ کے مشترکہ اجلاس کے دوران وفاقی وزیر برائے پارلیمانی امور نے خیبر پختونخوا میں صدارتی فرمان کی توثیق کے لیے تحریک پیش کی۔ ایوان میں ووٹنگ کے نتیجے میں تحریک کے حق میں 214 ووٹ آئے جبکہ مخالفت میں صرف 56 ووٹ پڑے۔

ایوان میں تحریک کی منظوری کے وقت اپوزیشن اراکین کی جانب سے شدید ہنگامہ آرائی اور نعرے بازی کی گئی۔ اپوزیشن کے سخت احتجاج اور شیدید تحفظات کے باوجود وفاقی حکومت پارلیمنٹ کے دونوں ایوانوں (قومی اسمبلی و سینیٹ) کے مشترکہ اجلاس سے خیبر پختونخوا میں آئین کے تحت لگائی گئی ایمرجنسی اور صدارتی فرمان کو کثرتِ رائے سے منظور کرانے میں کامیاب رہی۔