پاکستانی باکسر عثمان وزیر کی اگلی فائٹ بھارتی حریف کے خلاف، مقابلہ 28 فروری کو ہوگا

پاکستان کے نامور اور ناقابلِ شکست باکسر عثمان وزیر کی اگلی انٹرنیشنل فائٹ بھارتی باکسر مہیش کے خلاف طے پا گئی ہے۔

تفصیلات کے مطابق عثمان وزیر 28 فروری کو تھائی لینڈ میں بھارتی باکسر مہیش کے خلاف رنگ میں اتریں گے۔ روایتی حریف بھارت کے خلاف مقابلے کے لیے عثمان وزیر خاصے پُرجوش نظر آ رہے ہیں۔

اس حوالے سے گفتگو کرتے ہوئے عثمان وزیر نے کہا کہ وہ اپنی اٹھارہویں فائٹ میں بھی ناقابلِ شکست رہنے کے عزم کے ساتھ میدان میں اتریں گے۔ انہوں نے کہا کہ بھارتی باکسر کے خلاف فائٹ ایک بڑا چیلنج ہے اور وہ بھرپور تیاری کے ساتھ مقابلہ کریں گے۔

عثمان وزیر نے قوم سے اپیل کی کہ وہ ان کی کامیابی کے لیے خصوصی دعائیں کریں۔