پاکستان کا بھارت کے خلاف میچ بائیکاٹ: 2 پوائنٹس کا نقصان اور نیٹ رن ریٹ پر اثر

آئی سی سی ٹی ٹوئنٹی ورلڈ کپ 2026 میں بھارت کے خلاف میچ بائیکاٹ کرنے کی صورت میں پاکستان کو دو اہم پوائنٹس سے ہاتھ دھونا پڑے گا جبکہ یہ پوائنٹس بھارت کو منتقل ہو جائیں گے۔

آئی سی سی کے قوانین کے مطابق اگر کوئی ٹیم میچ کھیلنے سے انکار کرے تو اس کا نیٹ رن ریٹ بھی متاثر ہوگا، جبکہ مخالف ٹیم کا نیٹ رن ریٹ متاثر نہیں ہوتا۔ پاکستان کے بائیکاٹ کی صورت میں یہ سمجھا جائے گا کہ پاکستان نے صفر رن اسکور کیے، اور نیٹ رن ریٹ پر کافی منفی اثر پڑے گا۔

آئی سی سی کا قانون یہ بھی واضح کرتا ہے کہ ایسے میچ میں ٹیم کے نیٹ رن ریٹ کا حساب ایسے کیا جائے گا گویا اس ٹیم نے پورے 20 اوورز کھیل لیے ہوں۔

ٹی ٹوئنٹی ورلڈ کپ 7 فروری سے شروع ہو رہا ہے، اور پاکستان کے گروپ میں بھارت کے علاوہ نمیبیا، نیدرلینڈز اور امریکا شامل ہیں۔