نو منتخب وزیراعظم آزاد کشمیر افتخار گیلانی نے عہدے کا حلف اٹھا لیا

مظفر آباد: آزاد جموں و کشمیر کے 17 ویں نو منتخب وزیراعظم بیرسٹر افتخار گیلانی نے اپنے عہدے کا باقاعدہ حلف اٹھا لیا ہے۔ حلف برداری کی تقریب میں قائم مقام صدر آزاد کشمیر چودھری طارق فاروق نے ان سے عہدے کا حلف لیا۔

حلف برداری کی پروقار تقریب کے بعد آزاد کشمیر قانون ساز اسمبلی کے ایوان سے اپنے پہلے خطاب میں نومنتخب وزیراعظم افتخار گیلانی نے پارٹی کی اعلیٰ قيادت کا شکریہ ادا کیا۔ انہوں نے کہا کہ وہ وزیراعظم پاکستان شہباز شریف، قائد مسلم لیگ (ن) نواز شریف اور وزیراعلیٰ پنجاب مریم نواز کے تہہ دل سے شکر گزار ہیں جنہوں نے ان پر اس اہم ترین منصب کے لیے اعتماد کا اظہار کیا۔

افتخار گیلانی نے اپنے عزم کا اظہار کرتے ہوئے کہا کہ آزاد کشمیر کو ترقی، خوشحالی اور بہترین گورننس کی مثال بنانے کے لیے تمام سیاسی دھاروں کو مل کر چلنا ہو گا۔ انہوں نے کہا کہ حکومت اپنے تزویراتی مقاصد اور عوامی فلاحی منصو بہ جات کی تکمل کے لیے قانون ساز اسمبلی کے تمام ارکان کی حمایت کی متمنی ہے، اور تمام ممبران کے مکمل تعاون و مشاورت سے آزاد کشمیر کی بہتری کے لیے جدوجہد جاری رکھی جائے گی۔