میچ کے وقفے میں عمران خان کے بیٹوں کا انٹرویو نشر، پاکستان کرکٹ بورڈ کا احتجاج

لندن: لندن کے تاریخی لارڈز کرکٹ گراؤنڈ میں پاکستان اور انگلینڈ کے درمیان جاری پہلے ٹیسٹ میچ کے پہلے دن کھانے کے وقفے (Lunch Break) کے دوران انگلش براڈکاسٹر سکائی اسپورٹس کی جانب سے سابق کپتان اور وزیراعظم عمران خان کے بیٹوں کا انٹرویو نشر کرنے پر پاکستان کرکٹ بورڈ (پی سی بی) نے شدید برہمی کا اظہار کرتے ہوئے باضابطہ احتجاج درج کرایا ہے۔

برطانوی ذرائع ابلاغ کے مطابق، پی سی بی نے انگلینڈ اینڈ ویلز کرکٹ بورڈ (ECB) کے پاس سکائی اسپورٹس کی اس نشریات کے خلاف باضابطہ شکایت درج کروائی ہے۔ اطلاعات کے مطابق معاملے کی حساسیت کے پیش نظر پی سی بی نے احتجاجاً لائز بریک کے بعد قومی ٹیم کو میدان میں اتارنے میں تاخیر یا آپشنز پر بھی غور کیا تھا، تاہم کچھ دیر کے تعطل کے بعد انٹرویو کو آن ایئر کر دیا گیا۔

یہ انٹرویو انگلینڈ کے سابق کپتان اور معروف کمنٹیٹر مائیک ایتھرٹن نے لیا تھا، جس میں عمران خان کے بیٹوں سلیمان خان اور قاسم خان نے اپنے والد کی صحت اور موجودہ صورتحال کے حوالے سے اپنے تحفظات کا اظہار کیا۔

دوسری جانب، پاکستان کرکٹ بورڈ (پی سی بی) کی انتظامیہ نے اس پورے معاملے اور براڈکاسٹر کی جانب سے اٹھائے گئے اس قدم پر اب تک میڈیا کے سامنے کوئی رسمی موقف يا بیان جاری نہیں کیا ہے۔