مسلم لیگ (ن) کے بیرسٹر افتخار گیلانی آزاد کشمیر کے 17 ویں وزیراعظم منتخب

مظفر آباد: پاکستان مسلم لیگ (ن) کے بیرسٹر افتخار گیلانی 30 ووٹ حاصل کر کے آزاد جموں و کشمیر کے 17 ویں وزیراعظم منتخب ہو گئے ہیں۔ قانون ساز اسمبلی کے اجلاس کے دوران سپیکر اسمبلی نے قائدِ ایوان کی انتخاب کے نتائج کا باضابطہ اعلان کیا۔

انتخابی نتائج کے مطابق ن لیگ کے نامزد امیدوار بیرسٹر افتخار گیلانی نے 30 ووٹ حاصل کیے، جبکہ ان کے مدِ مقابل پاکستان پیپلز پارٹی کے امیدوار سردار مختار احمد خان کو 14 ووٹ ملے۔ سپیکر قانون ساز اسمبلی کے علاوہ ایوان میں موجود کل 44 اراکین نے رائے دہی کے عمل میں حصہ لیا، جبکہ ن لیگ کے سینئر رہنما شاہ غلام قادر اجلاس میں شریک نہیں ہوئے۔

خیال رہے کہ بیرسٹر افتخار گیلانی حالیہ انتخابات میں مسلم لیگ (ن) کے ٹکٹ پر ٹیکنوکریٹ کی مخصوص نشست پر آزاد کشمیر کی قانون ساز اسمبلی کے رکن منتخب ہوئے ہیں۔ وہ اس سے قبل پہلی بار 2011ء میں قانون ساز اسمبلی کے رکن منتخب ہوئے تھے اور آزاد کشمیر کے وزیرِ تعلیم کی حیثیت سے بھی اپنی خدمات سرانجام دے چکے ہیں۔