اسلام آباد کے مائنڈ ریہیب سنٹر میں مبینہ تشدد سے نوجوان جاں بحق
Web Desk
13 July 2026
وفاقی دارالحکومت کے علاقے ترلائی میں واقع ‘مائنڈ ریہیب سنٹر’ (منشیات و نفسیاتی امراض کی بحالی کے مرکز) میں مبینہ بدترین تشدد کے نتیجے میں ایک نوجوان جاں بحق ہو گیا ہے۔ واقعے کا انکشاف ہونے کے بعد تھانہ شہزاد ٹاؤن پولیس نے مقتول کے ورثاء کی درخواست پر مقدمہ درج کر کے قانونی کارروائی کا آغاز کر دیا ہے۔ مقتول کے والد (مدعی مقدمہ) نے اپنے موقف میں بتایا کہ انہوں نے اپنے بیٹے کو رواں سال جون میں بحالی کے لیے مذکورہ سینٹر میں داخل کرایا تھا، تاہم انتظامیہ کی جانب سے انہیں ایک ماہ تک اپنے بچے سے ملاقات کرنے کی اجازت نہیں دی گئی۔
مقدمے کے متن کے مطابق 9 جولائی کو ریہیب سنٹر کی انتظامیہ نے اہل خانہ کو فون پر اطلاع دی کہ ان کے بیٹے کو ڈینگی بخار ہو گیا ہے، لیکن جب والدین گھبرائے ہوئے سینٹر پہنچے تو وہاں ان کا بیٹا مردہ حالت میں پایا گیا۔ ورثاء کا کہنا ہے کہ نوجوان کی لاش اور جسم پر واضح طور پر تشدد کے شدید نشانات موجود ہیں۔ واقعے کے فوراً بعد مائنڈ ریہیب سنٹر کا تمام عملہ مرکز کو تالے لگا کر فرار ہو گیا ہے جبکہ سینٹر کے مالک ڈاکٹر حمزہ بھی منظرِ عام سے غائب ہیں۔ پولیس نے لاش کو تحویل میں لے کر تحقیقات شروع کر دی ہیں اور ملزمان کی گرفتاری کے لیے چھاپے مارے جا رہے ہیں۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026
پاکستان خطے میں ترقی، امن اور استحکام کیلئے کردار ادا کرتا رہے گا: اسحاق ڈار
16 November 2026
پنجاب دھی رانی پروگرام، ساہیوال میں 89 جوڑوں کی اجتماعی شادیوں کی تقریب
16 November 2026