کانگو میں ایبولا کی وبا کا پھیلاؤ روکنے کیلئے نئی ویکسین کی آزمائش شروع کردی: ڈبلیو ایچ او

عالمی ادارہ صحت (WHO) نے بتایا ہے کہ جمہوریہ کانگو میں ایبولا وائرس کی ’بُنڈی بُگیو‘ قسم کی تاریخ کی سب سے بڑی وبا سے نمٹنے کے لیے موثر علاج اور دنیا کی پہلی ویکسین کی تیاری پر تحقیقی کام تیزی سے جاری ہے، تاہم حتمی نتائج کے حصول میں ابھی کئی ماہ لگ سکتے ہیں۔ عالمی میڈیا کی رپورٹس کے مطابق WHO کے نمائندوں نے جنیوا میں میڈیا سے گفتگو کرتے ہوئے بتایا کہ اس بار تحقیقاتی منصوبے پیشگی تیار ہونے کی وجہ سے آزمائشیں ماضی کے مقابلے میں زیادہ تیزی سے شروع کی گئی ہیں۔

WHO کے قائم مقام سربراہ برائے تحقیق و ترقی ڈاکٹر واسی مورتی کے مطابق اس خاص قسم کے ایبولا وائرس کے لیے فی الحال کوئی باقاعدہ یا محفوظ علاج اور ویکسین دستیاب نہیں ہے، لیکن برطانیہ اور کینیڈا میں انسانی و حیاتیاتی آزمائشوں کے ابتدائی مراحل کا آغاز ہو چکا ہے۔ واضح رہے کہ یکم اگست تک جمہوریہ کانگو میں اس وبا کے 3,748 کیسز کی تصدیق ہو چکی ہے جبکہ 1,657 افراد جاں بحق اور 708 مریض صحت یاب ہو چکے ہیں۔