حکومت نے پٹرول کی قیمت میں اضافہ کردیا، ڈیزل سستا

حکومت نے پٹرولیم مصنوعات کی قیمتوں میں ردوبدل کا نوٹیفکیشن جاری کر دیا ہے، جس کے تحت پٹرول کی قیمت میں اضافہ جبکہ ہائی سپیڈ ڈیزل کی قیمت میں کمی کر دی گئی ہے۔ پٹرولیم ڈویژن کے مطابق ہائی سپیڈ ڈیزل کی قیمت میں 2 روپے فی لٹر کمی کی گئی ہے، جس کے بعد اس کی نئی قیمت 385 روپے 86 پیسے فی لٹر مقرر ہو گئی ہے۔

دوسری جانب پٹرول کی قیمت میں 4 روپے 45 پیسے فی لٹر اضافہ کیا گیا ہے، جس کے بعد پٹرول کی نئی قیمت 333 روپے 01 پیسہ فی لٹر تک پہنچ گئی ہے۔ پٹرولیم ڈویژن کے مطابق نئی قیمتوں کا تعین ا آئل اینڈ گیس ریگولیٹری اتھارٹی (اوگرا) کی سفارشات اور عالمی منڈی کی صورتحال کے مطابق کیا گیا ہے، جو رات 12 بجے سے نافذ العمل ہو چکا ہے۔ واضح رہے کہ اس سے قبل حکومت کی جانب سے پٹرول اور ڈیزل دونوں کی قیمتوں میں کمی کر کے عوام کو ریلیف فراہم کیا گیا تھا۔