اسحاق ڈار کی اردن میں ترک، مصری اور الجزائر کے وزرائے خارجہ سے ملاقاتیں

نائب وزیراعظم و وزیر خارجہ اسحاق ڈار نے اردن کے دارالحکومت عمان میں مقبوضہ بیت المقدس (یروشلم) سے متعلق منعقدہ اہم وزارتی اجلاس کے موقع پر ترکی، مصر اور الجزائر کے وزرائے خارجہ سے الگ الگ ملاقاتیں کی ہیں۔ اسحاق ڈار نے ترک وزیر خارجہ حکان فیدان اور مصری وزیر خارجہ ڈاکٹر بدر عبدالعاطی سے ملاقاتوں کے دوران دوطرفہ دلچسپی کے امور، علاقائی سلامتی اور بین الاقوامی سیاسی صورتحال پر تفصیلی گفتگو کی۔

علاوہ ازیں، نائب وزیراعظم نے الجزائر کے وزیر خارجہ احمد عطاف سے بھی ملاقات کی، جس میں پاکستان اور الجزائر کے درمیان دوطرفہ تعلقات سمیت تجارت، سرمایہ کاری، انفارمیشن ٹیکنالوجی اور زراعت کے شعبوں میں تعاون کو وسعت دینے پر بات چیت کی گئی۔ ترجمان کے مطابق ان ملاقاتوں میں مقبوضہ مشرقی یروشلم کی نازک صورتحال اور ایران سے متعلق حالیہ پیش رفت پر بھی تبادلہ خیال کیا گیا۔ الجزائر کے وزیر خارجہ نے خطے میں امن و استحکام کے قیام کے لیے پاکستان کے تعمیری اور فعال سفارتی کردار کی تعریف ک