چین کا افریقی ممالک میں ایبول کی وبا کے انسداد میں تعاون جاری رکھنے کا اعلان

چین نے افریقی ممالک، بالخصوص جمہوریہ کانگو میں ایبولا کی وبا کے انسداد کے لیے اپنا ہر ممکن تعاون اور مدد جاری رکھنے کا اعلان کیا ہے۔ عالمی میڈیا کی رپورٹ کے مطابق چینی وزارتِ خارجہ کے ترجمان لین جیان نے پریس بریفنگ کے دوران جمہوریہ کانگو بھیجے گئے چینی طبی ماہرین کے تیسرے وفد سے متعلق سوال کا جواب دیتے ہوئے کہا کہ ایبولا کی وبا کے خلاف چین افریقہ کے ساتھ کھڑا ہے اور اپنی استطاعت کے مطابق امدادی اقدامات جاری رکھے گا۔

ترجمان لین جیان نے کہا کہ افریقہ میں ایبولا کی نئی وبا کے پھوٹنے کے بعد سے بیجنگ نے اس صورتحال کو انتہائی اہم سمجھا ہے اور فوری طور پر ماہرین کے وفود روانہ کیے ہیں تاکہ انسدادِ وبا کے اقدامات میں مقامی حکام کی مدد کی جا سکے۔ انہوں نے مزید بتایا کہ چین کا تیسرا طبی وفد مقامی ضروریات اور بین الاقوامی صحت کے اداروں کے ساتھ مل کر کام کرے گا تاکہ اس مہلک وائرس کے پھیلاؤ کو روکا جا سکے۔