آبنائے ہرمز میں نیا عارضی بحری راستہ قائم کرنے کی تیاری مکمل کرلی: ایران

ایران کے نائب وزیرِ خارجہ کاظم غریب آبادی نے اعلان کیا ہے کہ ایران اور عمان کے درمیان آبنائے ہرمز میں ایک نئے عارضی بحری راستے کے قیام پر اصولی اتفاقِ رائے ہو گیا ہے۔ ان کا کہنا تھا کہ اس نئے عارضی بحری راستے کو قائم کرنے کی تمام تیاری مکمل کر لی گئی ہے اور یہ راستہ زیادہ تر ایرانی سمندری حدود سے ہو کر گزرے گا۔

کاظم غریب آبادی نے بتایا کہ اس منصوبے پر مکمل عمل درآمد کے بعد موجودہ تمام عارضی راستے بند کر دیے جائیں گے۔ انہوں نے مزید کہا کہ مسقط کے ساتھ مسلسل تین ہفتوں تک جاری رہنے والے مذاکرات کے بعد یہ پیش رفت سامنے آئی ہے، تاہم ایران نے آبنائے ہرمز کو مکمل طور پر کھولنے کے عمل کو امریکی وعدوں کی پاسداری سے مشروط کر دیا ہے۔