پنجاب حکومت کی انتظامی سطح پر تبدیلیاں، 46 افسروں کے تقرر و تبادلے

پنجاب حکومت نے انتظامی امور کو مزید فعال بنانے کے لیے صوبے بھر میں بڑے پیمانے پر 46 افسران (ایڈیشنل ڈسٹرکٹ کلیکٹرز / اے ڈی سیز) کے تقرر و تبادلے کر دیے ہیں۔ چیف سیکرٹری پنجاب زاہد اختر زمان کی منظوری سے باضابطہ نوٹیفکیشن جاری کر دیا گیا ہے، جس کے تحت تمام نئی تعائنیوں اور تبادلوں کا اطلاق فوری طور پر ہوگا۔

نوٹیفکیشن کے مطابق شیخوپورہ، ننکانہ صاحب، قصور، اوکاڑہ، سیالکوٹ، راولپنڈی، گوجرانوالہ، ملتان اور بہاولپور سمیت متعدد اضلاع میں نئے اے ڈی سی (انفورسمنٹ، ہیڈکوارٹرز، میونسپل سروسز اور سوشل سروسز) تعینات کیے گئے ہیں۔ ان تعیناتیوں میں امبرین چودھری، وقار عظیم، ساریہ حیدر، صولت حیات وٹو، عبدالرحمان خان، ملیحہ سحر اور دیگر سینئر افسران شامل ہیں، جنہیں انتظامی اور قانون نافذ کرنے سے متعلق اہم ذمہ داریاں سونپی گئی ہیں۔