امریکی و برطانوی وزرائے خارجہ کی ملاقات، ایران اور خلیج کی صورتحال پر گفتگو

امریکی وزیر خارجہ مارکو روبیو اور برطانوی وزیر خارجہ ایڈ ملی بینڈ کے درمیان واشنگٹن میں اہم ملاقات ہوئی ہے جس میں مشرق وسطیٰ کی کشیدہ صورتحال اور عالمی سلامتی کے امور پر تفصیلی تبادلہ خیال کیا گیا۔ خبر ایجنسی کے مطابق ملاقات کے دوران دونوں رہنماؤں نے ایران اور علاقائی پیش رفت پر گفتگو کرتے ہوئے آبنائے ہرمز میں بین الاقوامی جہاز رانی کے تحفظ کو یقینی بنانے کے عزم کا اعادہ کیا۔

ملاقات میں امریکا اور برطانیہ نے اس بات پر بھی مکمل اتفاق کیا کہ ایران کو کسی صورت جوہری ہتھیار حاصل کرنے نہیں دیے جائیں گے۔ اس کے علاوہ یوکرین جنگ، غزہ کی صورتحال اور یورپی سلامتی سے متعلق چیلنجز بھی بات چیت کا اہم محور رہے۔ صحافیوں کی جانب سے صدر ڈونلڈ ٹرمپ کے متعلق پوچھے گئے سوال پر برطانوی وزیر خارجہ ایڈ ملی بینڈ نے تبصرہ کرنے سے گریز کیا۔