اکتوبر میں برطانوی حکومت سائبر حملے کا شکار رہی، سینئر وزیر کا پہلی بار اعتراف
Web Desk
19 December 2025
برطانیہ کے ایک سینئر وزیر نے پہلی بار باضابطہ طور پر اعتراف کیا ہے کہ اکتوبر 2025 میں برطانوی حکومت کے نظام پر سائبر حملہ ہوا تھا، جس کے نتیجے میں حکومتی سسٹمز میں دراندازی کی گئی۔
وزارتِ تجارت کے وزیر کرس برائنٹ نے جمعے کے روز ٹائمز ریڈیو سے گفتگو کرتے ہوئے تصدیق کی کہ حکومت کے ڈیجیٹل نظام متاثر ہوئے تھے، تاہم اس مرحلے پر یہ کہنا قبل از وقت ہے کہ آیا یہ حملہ براہِ راست چین یا چینی ریاست سے منسلک عناصر کی جانب سے کیا گیا۔
کرس برائنٹ کے مطابق واقعے کی تحقیقات تاحال جاری ہیں اور حتمی نتائج سامنے آنے میں وقت لگ سکتا ہے۔ ان کا کہنا تھا کہ اگرچہ دراندازی ہوئی، لیکن حکومت اس بات پر مطمئن ہے کہ اس سے کسی فرد کو براہِ راست نقصان پہنچنے کا خطرہ محدود رہا۔
اس سے قبل برطانوی اخبار دی سن نے دعویٰ کیا تھا کہ یہ سائبر حملہ ایک چینی سائبر گروہ اسٹورم 1849 نے کیا، جس کے نتیجے میں فارن آفس کے ڈیٹا تک رسائی حاصل کی گئی، جہاں ممکنہ طور پر ہزاروں ویزا درخواستوں سے متعلق معلومات موجود تھیں۔ تاہم وزیرِ تجارت نے اس رپورٹ کو قیاس آرائی قرار دیتے ہوئے کہا کہ بڑے پیمانے پر ڈیٹا کے غلط استعمال کے شواہد نہیں ملے۔
کرس برائنٹ نے واضح کیا کہ سیکیورٹی کی خامی ایک سرکاری ویب سائٹ میں موجود تکنیکی خرابی کے باعث پیدا ہوئی تھی، جسے فوری طور پر درست کر لیا گیا۔ انہوں نے اسکائی نیوز کو بتایا کہ کمزوری کی نشاندہی ہوتے ہی ہنگامی اقدامات کیے گئے اور ڈیجیٹل سیکیورٹی کو مزید مضبوط بنایا گیا۔
ادھر برطانوی وزیرِ اعظم کیئر اسٹارمر رواں ماہ کے آغاز میں کہہ چکے ہیں کہ چین برطانیہ کے لیے قومی سلامتی کے خطرات پیدا کرتا ہے، تاہم اس کے باوجود حکومت چین کے ساتھ روابط بڑھانے کی پالیسی پر قائم ہے۔
فارن آفس میں پیش آنے والا یہ سائبر واقعہ ایسے وقت میں سامنے آیا ہے جب رواں سال برطانیہ کی دو بڑی کمپنیوں کو بھی شدید سائبر حملوں کا سامنا کرنا پڑا۔ ایک حملے کے باعث کار ساز کمپنی جیگوار لینڈ روور کو پانچ ہفتوں تک پیداوار بند کرنا پڑی، جبکہ ریٹیل کمپنی مارکس اینڈ اسپینسر نے چھ ہفتوں کے لیے آن لائن آرڈرز معطل کر دیے تھے۔
فارن آفس کے ترجمان کے مطابق سائبر حملے کی مکمل تحقیقات جاری ہیں اور حکومتی ڈیٹا و نظام کے تحفظ کو یقینی بنانے کے لیے اضافی سیکیورٹی اقدامات کیے جا رہے ہیں۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026