یوکرین نے اسرائیل کے کہنے پر ایرانی جہاز کو نشانہ بنایا: عباس عراقچی

ایران کے وزیرِ خارجہ عباس عراقچی نے یوکرین پر ایران کے تجارتی جہاز کو نشانہ بنانے کا باضابطہ الزام عائد کرتے ہوئے اعلان کیا ہے کہ اس ناپاک کارروائی کا بھرپور اور مناسب جواب دیا جائے گا۔

سماجی رابطے کی ویب سائٹ ایکس (سابقہ ٹویٹر) پر جاری اپنے بیان میں عباس عراقچی نے ایرانی تجارتی جہاز پر حملے کو اقوامِ متحدہ کے منشور (UN Charter) کی کھلی خلاف ورزی قرار دیا۔ ایرانی وزیرِ خارجہ نے سنسنی خیز دعویٰ کرتے ہوئے کہا کہ یوکرین نے یہ حملہ اسرائیل کے کہنے پر کیا ہے تاکہ یورپی ممالک کو بھی خطے میں جاری جنگ میں گھسیٹا جا سکے۔

عباس عراقچی نے مزید بتایا کہ انہوں نے اس سنجیدہ معاملے پر یورپی کمیشن کی نائب صدر کاجا کالاس اور روس کے وزیرِ خارجہ سرگئی لاوروف سے بھی ٹیلی فون پر تفصیلی گفتگو کی ہے۔ انہوں نے دونوں عالمی رہنماؤں پر ایران کا موقف واضح کرتے ہوئے خبردار کیا کہ کیف حکومت کی جانب سے کی گئی اس اشتعال انگیز کارروائی کا تہران کی جانب سے دندان شکن جواب دیا جائے گا۔