ٹور ڈی فرانس سائیکل ریس: دفاعی چیمپئن تیج پوگاکار نے چھٹا مرحلہ جیت لیا

ٹور ڈی فرانس سائیکل ریس کے دفاعی چیمپئن تیج پوگاکار نے شاندار کارکردگی کا مظاہرہ کرتے ہوئے ایونٹ کا چھٹا مرحلہ جیت لیا ہے اور ایک بار پھر معتبر ‘یلو جرسی’ اپنے نام کر لی ہے۔ ریس کا یہ چھٹا مرحلہ 186.2 کلو میٹر کے طویل فاصلے پر مشتمل تھا، جو اس ایونٹ کا پہلا پہاڑی اسٹیج بھی تھا۔ 27 سالہ پوگاکار، جو اس مرتبہ پانچویں بار یہ تاریخی ٹائٹل جیتنے کے لیے ہاٹ فیورٹ مانے جا رہے ہیں، نے آخری 5 کلو میٹر میں غیر معمولی رفتار کا مظاہرہ کیا اور اپنے قریبی حریف جوناس ون گارڈ کو 2 منٹ 38 سیکنڈز کے واضح فرق سے پیچھے چھوڑ دیا۔ پوگاکار نے یہ کٹھن فاصلہ 4 گھنٹے 32 منٹ اور 7 سیکنڈز میں طے کر کے دیگر سائیکلسٹس پر مجموعی برتری قائم کر لی۔ دوسری جانب، ناروے کے سائیکلسٹ ٹورسٹین، جو اس مرحلے سے قبل یلو جرسی کے مالک تھے، دیگر سائیکلسٹس سے ٹکرانے کے حادثے کے باعث 51 ویں نمبر پر چلے گئے اور یلو جرسی سے ہاتھ دھو بیٹھے۔