LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان میں جوہری سلامتی پر عالمی اجلاس سے شروع ہوگا مریم نواز کا بابا گرو نانک کے جنم دن کی تقریبات میں شرکت کرنیوالے سکھ یاتریوں کا خیرمقدم خیبرپختونخوا کیلئے 160 ارب روپے کا ترقیاتی پیکج، صوبے کو 10 ارب روپے جاری موسمیاتی تبدیلی ہماری تہذیب اور تاریخی ورثے کیلئے بڑا خطرہ بن چکی: مصدق ملک میرعلی سے دہشت گردوں کا چھپایا گیا اسلحہ اور بارودی مواد کا بڑا ذخیرہ برآمد مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا

صائم ایوب کا کرکٹ سے عارضی وقفہ لینے کا فیصلہ، پی سی بی سے درخواست

Web Desk

22 November 2026

قومی کرکٹ ٹیم کے نوجوان اوپننگ بیٹر صائم ایوب نے مسلسل ناکامیوں اور اعتماد میں کمی کے باعث کرکٹ سے عارضی وقفہ لینے کا فیصلہ کیا ہے، اور اس سلسلے میں پاکستان کرکٹ بورڈ (پی سی بی) سے درخواست کی ہے کہ انہیں کچھ عرصے تک کھیل سے دور رہنے کی اجازت دی جائے۔

تفصیلات کے مطابق صائم ایوب اپنے کیریئر کے مشکل ترین دور سے گزر رہے ہیں۔ مسلسل ناقص کارکردگی کے باعث انہیں قومی اسکواڈ سے ڈراپ کیا جا چکا ہے جبکہ وہ سینٹرل کنٹریکٹ کی فہرست میں بھی شامل نہیں ہیں، اور حالیہ دنوں میں انہوں نے ڈومیسٹک کرکٹ کھیلنے سے بھی گریز کیا۔

میڈیا رپورٹس کے مطابق صائم ایوب نے پی سی بی حکام کو آگاہ کیا ہے کہ وہ فی الحال کرکٹ کھیلنے کی ذہنی کیفیت میں نہیں ہیں۔ نوجوان بیٹر اپنے مسائل پر قابو پانے اور اعتماد بحال کرنے کے بعد ون ڈے ڈیپارٹمنٹل کرکٹ ٹورنامنٹ کے ذریعے دوبارہ میدان میں اترنے کا ارادہ رکھتے ہیں۔

واضح رہے کہ صائم ایوب نے کیریبین ٹی ٹوئنٹی لیگ میں سنچری اسکور کرنے کے بعد انگلینڈ کے خلاف ٹیسٹ سیریز کے لیے قومی ٹیم میں جگہ بنائی تھی، تاہم وہ دونوں اننگز میں صفر پر آؤٹ ہو گئے، جس سے ان کے اعتماد کو شدید دھچکا لگا۔ بعد ازاں مسلسل ناکامیوں کے باعث انہیں سہ ملکی ون ڈے سیریز کے اسکواڈ سے بھی باہر کر دیا گیا، جس کے بعد توقع کی جا رہی تھی کہ وہ ڈومیسٹک کرکٹ کھیل کر فارم بحال کریں گے مگر انہوں نے ڈومیسٹک مقابلوں میں حصہ نہیں لیا۔

اعداد و شمار کے مطابق گزشتہ سال سری لنکا کے خلاف سیریز کے بعد سے صائم ایوب اپنے آخری پانچ ون ڈے میچز میں صرف 60 رنز بنا سکے، جبکہ رواں سال ٹی ٹوئنٹی ورلڈ کپ کے بعد سے وہ کوئی نصف سنچری بھی اسکور نہیں کر پائے اور اس دوران ان کے اسکور بالترتیب 24، 19، 6، 14، 7، 21، 29 اور 8 رنز رہے۔ تمام فارمیٹس کے آخری 15 انٹرنیشنل میچز کی 16 اننگز میں انہوں نے محض 11.75 کی اوسط سے 188 رنز بنائے، جس میں ان کا بہترین انفرادی اسکور 33 رنز رہا۔

مسلسل مواقع ملنے کے باوجود فارم کی بحالی میں ناکامی کے بعد صائم ایوب نے اب اپنی ذہنی کیفیت بہتر بنانے اور اعتماد کی بحالی کے لیے کرکٹ سے عارضی وقفہ لینے کا فیصلہ کیا ہے