تھل جیپ ریلی سٹاک کیٹیگری کے مقابلے مکمل، ربنواز جوئیہ نے ٹائٹل جیت لیا

مظفرگڑھ میں جاری نویں تھل جیپ ریلی کی اسٹاک کیٹیگری کے مقابلے مکمل ہو گئے ہیں، جس میں ربنواز جوئیہ نے شاندار ڈرائیونگ کا مظاہرہ کرتے ہوئے پہلی پوزیشن اپنے نام کر لی ہے۔ انہوں نے مقررہ ٹریک سب سے کم وقت 2 گھنٹے 21 منٹ 46 سیکنڈ میں مکمل کر کے فتح حاصل کی۔ مقابلوں میں سرانجام خان نے 2 گھنٹے 26 منٹ 32 سیکنڈ کی ٹائمنگ کے ساتھ دوسری پوزیشن حاصل کی، جبکہ فلک شیر بلوچ 2 گھنٹے 33 منٹ 59 سیکنڈ کے وقت کے ساتھ تیسرے نمبر پر رہے۔