تھل جیپ ریلی، نادر مگسی نے پری پیئرڈ کیٹیگری کا ٹائٹل جیت لیا

11ویں تھل جیپ ریلی میں پری پیئرڈ کیٹیگری کے مقابلے کامیابی کے ساتھ اختتام پذیر ہو گئے ہیں، جہاں غیر حتمی نتائج کے مطابق معروف ریسنگ ڈرائیور نادر مگسی نے شاندار کارکردگی کا مظاہرہ کرتے ہوئے پہلی پوزیشن حاصل کر لی ہے۔ گزشتہ فاتح فیصل شادی خیل کی گاڑی کو حادثہ پیش آنے کے باعث وہ اپنے ٹائٹل کا دفاع نہ کر سکے۔ دیگر کیٹیگریز میں بی کیٹیگری سے ارباز خان، سی کیٹیگری سے عمر اقبال اور ڈی کیٹیگری سے ظفر بلوچ فاتح رہے۔ پری پیئرڈ خواتین کیٹیگری میں دینا پٹیل نے سبقت حاصل کرتے ہوئے پہلی پوزیشن اپنے نام کی، جبکہ ریلی کے موقع پر منعقدہ ثقافتی میلے میں روایتی نیزہ بازی کے سنسنی خیز مقابلوں کا بھی انعقاد کیا گیا۔